Շիրի Նորթ

Շիրի Նորթ; անգլ.՝ Sheree North
Ծնվել է	հունվարի 17, 1932
Ծննդավայր	Լոս Անջելես, Կալիֆոռնիա, ԱՄՆ
Մահացել է	նոյեմբերի 4, 2005[…] (73 տարեկան)
Մահվան վայր	Լոս Անջելես, Կալիֆոռնիա, ԱՄՆ
Քաղաքացիություն	ԱՄՆ
Մայրենի լեզու	անգլերեն
Կրթություն	Հոլիվուդի ավագ դպրոց
Մասնագիտություն	դերասանուհի, պարուհի, հեռուստատեսային դերասանուհի, թատրոնի դերասանուհի, կինոդերասանուհի և երգչուհի
Պարգևներ և ; մրցանակներ	Թատերական համաշխարհային մրցանակ
	Sheree North Վիքիպահեստում

Շիրի Նորթ (անգլ.՝ Sheree North, հունվարի 17, 1932(1932-01-17)^[1]^[2]^[3], Լոս Անջելես, Կալիֆոռնիա, ԱՄՆ^[4] - նոյեմբերի 4, 2005(2005-11-04)^[5]^[1]^[2]^[…], Լոս Անջելես, Կալիֆոռնիա, ԱՄՆ^[4]), ամերիկացի դերասանուհի, երգչուհի և պարուհի, առավել հայտնի է 1950-ական թվականների կինոֆիլմերում խաղացած դերերով։

Կյանք և կարիերա

Շիրի Նորթը ծնվել է 1932 թվականի հունվարի 17-ին Կալիֆոռնիա նահանգի Լոս Անջելես քաղաքում^[7]։ Պարուհու կարիերան սկսել է տասը տարեկան հասակում՝ ելույթ ունենալով Երկրորդ համաշխարհային պատերազմի ժամանակահատվածում, տասնհինգ տարեկանում ամուսնացել և մեկ տարի անց երեխա է ունեցել^[8]։

Նորթը կինոյում առաջնաելույթ է ունեցել 1951 թվականին։ 1953 թվականին Բրոդվեյի «Hazel Flagg» մյուզիքլում իր առաջնաելութային դերի համար արժանացել է «Theatre World Award» մրցանակի։ 1954 թվականին Նորթը պայմանագիր է ստորագրել 20th Century Fox ստուդիայի հետ, որը մտադիր էր նրանից Մերիլին Մոնրոյի յուրօրինակ կրկնօրինակը ստանալ։ Մի քանի անհաջող փորձերից հետո 1955 թվականին նա գլխավոր դեր է ստացել «Ինչպես լինել շատ, շատ հայտնի» ֆիլմում։ Նույն թվականին հայտնվել է Life ամսագրի շապկին^[9]։ Հետո շարունակել է գլխավոր դերեր ստանալ ֆիլմերում, ինչպիսիք են «Կիսաշրջազգեստով լեյտենանտը», որը վարձույթում շատ հաջողակ էր և «Լավագույն բաները կյանքում անվճար են», որը ևս առևտրային հաջողություն է ունեցել, սակայն ստուդիաները սկսել են կորցնել հետաքրքրությունը նրա հանդեպ՝ պլանավորելով աստղ դարձնել սկսնակ դերասանուհի Ջեյն Մենսֆիլդին։

1957 թվականին «Ճանապարհ դեպի ոսկի» դրամայում գլխավոր դերով գրավել է քննադատների ուշադրությունը։ Ֆիլմը վարձույթում ունեցել է փոքր հաջողություն։ Նույն թվականին նկարահանվել է ևս մեկ առևտրային ձախողված «Առանց կանխավճարի» ֆիլմում։ Հաջորդ տարի նկարահանվել է հաջողություն ունեցած «Սիրո և պատերազմի մեջ» ռազմական դրամայում, ինչը օգնել է դերասանուհուն ևս մեկ գլխավոր դեր ստանալ «Մարդի Գրաս» մյուզիքլում։ Այն ձախողվել է վարձույթում և Fox ստուդիան որոշել է չերկարաձգել պայմանագիրը դերասանուհու հետ։ Հետագա տարիներին շարունակել է նկարահանվել կինոյում և հեռուստատեսությունում՝ գլխավոր դեր խաղալով «Իններ Սփեյս» ֆանտաստիկ ֆիլմում։ Նաև հայտնվել է «Անախորժություն աղջիկների հետ», «Չարլի Վերիկ», «Փախուստ», «Հեռախոս» ֆիլմերում։ Հեռուստատեսությունում մի քանի հայտնի հեռուստասերիալներում, ինչպիսիք են «Մերի Թայլեր Մուրի շոուն», «Մասնավոր դետեկտիվ Մագնումը», «Ոսկե աղջիկներ» և «Սայնֆելդը», եղել է հրավիրված աստղ։ Հեռուստատեսությունում իր աշխատանքի համար 1976 և 1981 թվականներին ստացել է «Էմմի» մրցանակի երկու անվանակարգ։

Շիրի Նորթը ամուսնացած է եղել հինգ անգամ։ 2005 թվականի նոյեմբերի 4-ին մահացել է քաղցկեղից առաջացած բարդությունների պատճառով^[10]։

Ծանոթագրություններ

↑ ^1,0 ^1,1 ^1,2 ^1,3 ^1,4 Internet Movie Database — 1990.
↑ ^2,0 ^2,1 ^2,2 ^2,3 ^2,4 Discogs — 2000.
↑ ^3,0 ^3,1 filmportal.de — 2005.
↑ ^4,0 ^4,1 ^4,2 ^4,3 ^4,4 ^4,5 Deutsche Nationalbibliothek Record #1061938093 // Gemeinsame Normdatei (գերմ.) — 2012—2016.
↑ ^5,0 ^5,1 ^5,2 http://www.legacy.com/Obituaries.asp?Page=APStory&Id=10294
↑ http://www.theatreworldawards.org/past-recipients.html
↑ «Sheree North». FilmBug.Com. Արխիվացված օրիգինալից 2012 թ․ սեպտեմբերի 10-ին. Վերցված է 2011 թ․ օգոստոսի 12-ին.
↑ Hayward, Anthony (2005 թ․ նոյեմբերի 22). «Obituary: Sheree North». Independent, The (London). Արխիվացված է օրիգինալից 2009 թ․ նոյեմբերի 24-ին. Վերցված է 2011 թ․ հունվարի 8-ին. {{cite news}}: Invalid |url-status=404 (օգնություն)
↑ Sheree North at Variety.com
↑ «Sheree North (1932-2005)». Արխիվացված օրիգինալից 2012 թ․ սեպտեմբերի 10-ին. Վերցված է 2012 թ․ հունվարի 29-ին.

Վիքիպահեստն ունի նյութեր, որոնք վերաբերում են «Շիրի Նորթ» հոդվածին։

[_7f5092514d6c2759-1] 1,0 ^1,1 ^1,2 ^1,3 ^1,4 Internet Movie Database — 1990.

[_5cf21f6173054c01-2] 2,0 ^2,1 ^2,2 ^2,3 ^2,4 Discogs — 2000.

[_db2b2b851e814635-3] 3,0 ^3,1 filmportal.de — 2005.

[_6036bf154300c863-4] 4,0 ^4,1 ^4,2 ^4,3 ^4,4 ^4,5 Deutsche Nationalbibliothek Record #1061938093 // Gemeinsame Normdatei (գերմ.) — 2012—2016.

[_b29d6a4801494fa3-5] 5,0 ^5,1 ^5,2 http://www.legacy.com/Obituaries.asp?Page=APStory&Id=10294

[_d73629059895ff41-6] ttp://www.theatreworldawards.org/past-recipients.html

[FilmBug_Biography-7] «Sheree North». FilmBug.Com. Արխիվացված օրիգինալից 2012 թ․ սեպտեմբերի 10-ին. Վերցված է 2011 թ․ օգոստոսի 12-ին.

[obit-8] Hayward, Anthony (2005 թ․ նոյեմբերի 22). «Obituary: Sheree North». Independent, The (London). Արխիվացված է օրիգինալից 2009 թ․ նոյեմբերի 24-ին. Վերցված է 2011 թ․ հունվարի 8-ին. {{cite news}}: Invalid |url-status=404 (օգնություն)

[9] Sheree North at Variety.com

[10] «Sheree North (1932-2005)». Արխիվացված օրիգինալից 2012 թ․ սեպտեմբերի 10-ին. Վերցված է 2012 թ․ հունվարի 29-ին.

[1]

[2]

[3]

[4]

[5]

[6]

[7]

[8]

[9]

[10]